Under – ევროპის პირველი წყალქვეშა რესტორანი, ზღვის ფსკერზე ხედით

ევროპაში, პირველი წყალქვეშა რესტორანი აშენდა, რომლის ვიზიტორებს ზღვის ფსკერის ყურება და თან, ნორვეგიული თევზის მირთმევა შეეძლებათ.

ახალი ღირსშესანიშნაობა, ნორვეგიის ქალაქ კრისტიანსენიდან 85 კილომეტრში მდებარეობს.

ერთი შეხედვით რესტორანი საკმაოდ შთამბეჭდავია – მონოლითური კონსტრუქცია, რომელიც კლდოვან სანაპიროზე მდებარეობს, ნახევრად ჩაძირულ გემს გავს.

რესტორნის წყალქვეშა ნაწილი, წყლის ზედაპირიდან 5,5 მეტრის სიღრმეზეა განლაგებული და სახელიც სიმბლური მიანიჭეს “Under” (ქართულად “ქვეშ”).

34 მეტრის სიგრძის სტქრუქტურა, 1 მეტრის სიგანის ბეტონის კედლებითაა აშენებული და ზღვის მაქსიმალურად ძლიერ ტალღებსაც უძლებს.

სტუმარი ბეტონის კიბით შედის ტერიტორიაზე, ხოლო შემდეგ ჩადის ქვემოთ რესტორანში, რომელიც 40 სტუმარს იტევს.

რესტორნის ინტერიერი, ტრადიციულ-მინიმალისტურ, სკანდინავიურ სტილშია გადაწყვეტილი. კონსტრუქციის ძირში, რესტორნის მთავარი ნაწილია – პანორამული ვიტრაჟი, ხედით ზღვის ფსკერზე.

ჩვენ გვინდა მომხმარებელს მივცეთ შესაძლებლობა, სხვა თვალით დაინახონ ზღვის ბინადრების რთულად ორგანიზებული ცხოვრება. ამ ფონზე, თქვენ უკეთ გაიგებთ თუ რა საკვებს მიირთმევთ”, – ნათქვამია “Under”-ის ოფიციალურ საიტზე.

გარდა რესტორნისა, “Under”-ში ასევე კვლევითი სამუშაოებიც ჩატარდება – შენობაზე დამონტაჟებული ვიდეო კამერები და სხვა ტექნიკური აღჭურვილობა, მუდმივად შეაგროვებს ინფორმაციას ზღვის მობინადრეების შესახებ, რაც მეცნიერებს ახალი აღმოჩენების შესაძლებლობას მისცემს.