Signify საქართველოს ენერგოეფექტურობის სტრატეგიის განხორციელებაში დაეხმარება

Modern Roofing

Signify (Philips)-ი მზადაა, საქართველოს მთავრობას ენერგოეფექტურობის სტრატეგიის განხორციელებაში დაეხმაროს.

როგორც საქართველოს პრემიერ-მინისტრ, მამუკა ბახტაძისა და Signify/Philips-ის აღმასრულებელი დირექტორის, ერიკ რონდოლატის შეხვედრისას აღინიშნა, საუბარია ქუჩებისა და ძეგლების ენერგოეფექტურ განათებაზე, რაც პირველ ეტაპზე თბილისში, შემდეგ კი მთელი საქართველოს მასშტაბით უნდა განხორციელდეს.

შეხვედრაზე ისაუბრეს საქართველოს მთავრობის მწვანე ეკონომიკის კონცეფციაზე, რაც მათ შორის ორგანული წარმოების განვითარებას გულისხმობს. ასევე, განიხილეს “ფილიპსის” ტექნოლოგიების გამოყენების შესაძლებლობები ორგანული წარმოების ხელშეწყობაში.

საქართველოს პრემიერ-მინისტრისა და Signify/Philips-ის აღმასრულებელი დირექტორის შეხვედრა დავოსის მსოფლიო ეკონომიკური ფორუმის ფარგლებში შედგა.


 


 

მსგავსი სტატიები