2019 წლის მსოფლიოს საუკეთესო მაღალი შენობები დასახელდა

Construction News

ურბანული გარემოსა და მაღალი შენობების საბჭომ (The Council on Tall buildings and Urban Habitat, CTBUH) 2019 წლის საუკეთესო მაღალი შენობები დაასახელა.

მსოფლიოს საუკეთესო მაღალი შენობის სტატუსი სან-ფრანცისკოში (აშშ) მდებარე ცათამბჯენმა მოიპოვა. ორგანიზაციის განმარტებით, 326 მეტრიანი “Salesforce Tower” “მყარი სეისმური ფასადის” გარდა, გამოირჩევა იმითაც, რომ აუმჯობესებს ურბანულ გარემოს და ქალაქელების ცხოვრებას. აღსანიშნავია, რომ “Salesforce Tower” სან-ფრანცისკოს ყველაზე მაღალი შენობაა.

გარდა ამისა, dailymail-ის ინფორმაციით, მსოფლიოს საუკეთესო მაღალი შენობები დასახელდა სხვადასხვა კატეგორიაში:

100 მეტრამდე საუკეთესო მაღალი შენობა სან-პაულუში (ბრაზილია) მდებარე “Forma Itaim” გახდა;

100-დან 199 მეტრამდე საუკეთესო შენობის ტიტული სეულში (სამხრეთ კორეა) მდებარე ” Amorepacific Headquarters”-მა მოიპოვა;

200-დან 299 მეტრამდე სიმაღლის საუკეთესო შენობად ჩინეთის ქალაქ შენჯენში მდებარე “Shenzhen Energy Headquarters” დასახელდა;

400 მეტრზე მაღალი საუკეთესო შენოდა შენჯენშივე მდებარე “Ping An Finance Center” გახდა;

საუკეთესო საოფისე ტიპის შენობის ტიტული ნიდერლანდებში მდებარე ” European Patent Office”-ს ერგო;

საუკეთესო საცხოვრებელი ან სასტუმრო შენობის ტიტული აშშ-ის ქალაქ ნიუ-იორკში მდებარე “277 Fifth Avenue” გახდა;

შერეული ტიპის საუკეთესო შენობად კი სინგაპურში მდებარე “Kampung Admiralty” დასახელდა.

მსგავსი სტატიები