წყნეთში, აღმაშენებლის ქუჩაზე საგზაო ინფრასტრუქტურის რეაბილიტაცია მიმდინარეობს

Construction News

წყნეთში, აღმაშენებლის ქუჩაზე საგზაო ინფრასტრუქტურის მოწყობის ფარგლებში, გზის ახალი საფუძველი მზადდება, რის შემდეგაც ასფალტის ორფენიანი საფარი დაიგება.

პროექტის თანახმად გზის საფარი 4,100 კვ.მ. ფართობზე განახლდება.

კომპანია “ჯივიპის” მიერ აღნიშნულ ტერიტორიაზე წყლისა და წყალარინების ქსელები უკვე განახლდა, ორი ქსელი კი კომპანია “სილქნეთმა” გამოცვალა.

სარეაბილიტაციო სამუშაოების პროცესს ვაკის რაიონის გამგებელი ნოდარ ტურძელაძე გაეცნო. 

წყნეთში გზების რეაბილიტაციას განვაგრძობთ, რაც ადგილობრივი მოსახლეობისთვის ძალიან მნიშვნელოვანია. აღსანიშნავია, რომ აღმაშენებლის ქუჩა კაპიტალურად განახლდება. უკვე გამოიცვალა მიწისქვეშა კომუნიკაციები და ახლა  მიწისზედა ფართობის მოწესრიგება მიმდინარეობს, რაც გზის საფარის აღდგენას გულისხმობს. მინდა, აქ მაცხოვრებლებს შექმნილი დისკომფორტისთვის ბოდიში მოვუხადო, თუმცა შედეგად, ჩვენ ხარისხიან გზას, განახლებულ წყლისა და წყალარინების ქსელებს მივიღებთ”, – განაცხადა ნოდარ ტურძელაძემ.

აღმაშენებლის ქუჩის გზის რეაბილიტაციისთვის 242,415 ლარი გამოიყო.

მსგავსი სტატიები