ჩინელი ინვესტორები ჰელსინკი-ტალინის გვირაბის მშენებლობას €15 მილიარდით დააფინანსებენ

Construction News

ჩინური კორპორაცია “Touchstone Capital Partners Ltd” ფინეთსა და ესტონეთს შორის წყალქვეშა სარკინიგზო გვირაბის მშენებლობას 15 მილიარდი ევროთი დააფინანსებს.

ჩინური ფონდის ინვესტიცია იქნება დამატება €100 მილიონის, რომელიც “FinEst Bay Area “-მ 2018 წელს არაბთა გაერთიანებული საამიროების კორპორაცია “ARJ Holding LLC”-ისგან მიიღო.

კომპანია “FinEst Bay Area” ფინელმა ბიზნესმენმა ჰელსინკი-ტალინის სარკინიგზო გვირაბის მშენებლობის მიზნით დაარსა.

გვირაბში პირველი ჩქაროსნული მატარებელი, რომლის სიჩქარე 350 კმ-სთ იქნება, 2024 წლის დეკემბერში გაივლის. მატარებლის ბილეთი 50 ევრო ეღირება, მგზავრობის დრო კი 2 საათიდან 20 წუთამდე შემცირდება.

გვირაბის სიგრძე დაახლოებით 100 კმ იქნება. პროექტი მთლიანობაში15-დან 20 მილიარდ ევრომდე ეღირება.

მსგავსი სტატიები