ფონიჭალაში კიდევ ერთი თანამედროვე სკვერი მოეწყობა

Construction News

კრწანისის რაიონის გამგეობამ რუსთავის გზატკეცილის N267-ის მიმდებარედ, სკვერის მოწყობის სამუშაოები დაიწყო. დასასვენებელი სივრცე 3,070 კვ.მ-ზე განთავსდება და თანამედროვე ინვენტარით აღიჭურვება.

პროექტის ფარგლებში, სკვერის შიდა პერიმეტრი დეკორატიული ფილებით მოპირკეთდება, მოეწყობა საბავშვო გასართობი ზონა. არსებულ ტერიტორიაზე ასევე, განთავსდება წყლის ადაპტირებული შადრევანი.

რეკრეაციულ სივრცეში დაიდგმება საბაღე სკამები და დამონტაჟდება გარე განათების სისტემა. სკვერი თანამედროვე ინვენტარითა და შეზღუდული შესაძლებლობების მქონე პირთათვის ადაპტირებული ინფრასტრუქტურით აღიჭურვება.

სკვერის მიმდებარედ, ადგილობრივი მცხოვრებლების თხოვნის გათვალისწინებით, მოეწყობა პარკინგი. სკვერი გამწვანდება სხვადასხვა სახეობის ხე-მცენარით.

გასულ წელს სკვერების მოწყობა-რეაბილიტაცია კრწანისის რაიონში 11 მისამართზე განხორციელდა. აქედან სამ მისამართზე – ზემო ფონიჭალაში, გრიშაშვილის ქუჩასა და ქვემო ფონიჭალაში თანამედროვე სტანდარტებით აღჭურვილი რეკრეაციული სივრცე მოეწყო.

მსგავსი სტატიები