სამხრეთ-აღმოსავლეთ აზიას განახლებადი ენერგიის ცენტრად ქცევის პოტენციალი აქვს

მიუხედავად იმისა, რომ სამხრეთ-აღმოსავლეთ აზიის ქვეყნებში 70 მილიონ მოსახლეს ელექტროენერგიაზე წვდომა ჯერ კიდევ არ აქვს, რეგიონს განახლებადი ენერგიის ათვისების დიდი პოტენციალი აქვს. ამის შესახებ აღნიშნულია გლობალური აუდიტორული ფირმის “KPMG” ანგარიშში.

Econews-ის ინფორმაციით, “სამხრეთ-აღმოსავლეთ აზიის ქვეყნების ასოციაცია” (ASEAN) განახლებადი ენერგიის სფეროში კაპიტალს ზრდის. ასოციაციის 10 წევრი ქვეყანა “მოტივტივე მზის პანელებით” არის დაინტერესებული.

რეგიონში განახლებადი ენერგიით დაინტერესებულია კერძო სექტორიც: ისეთი მსხვილი კომპანიები, როგორებიცაა გუგლი, მაიკროსოფტი, კოკა-კოლა და იკეა.

სამხრეთ-აღმოსავლეთ აზიაში ინვესტიციებს ზრდიან საბანკო სექტორის წარმომადგენლები: მსოფლიო ბანკი, აზიის განვითარების ბანკი და იაპონიის საერთაშორისო თანამშრომლობის ბანკი.

ამ ფონზე, ეკონომისტები ვარაუდობენ, რომ განახლებადი ენერგიის ფასები უახლოეს 5 წელიწადში ტრადიციული გზით მოპოვებული ელექტროენერგიის ფასს გაუთანაბრდება.