სამუშაოს შესრულების დროს, მატარებლის შეჯახების შედეგად 2 მუშაკი დაიღუპა

Construction News

პოლიციამ დაადასტურა, რომ მატარებლის შეჯახების შედეგად  დაღუპული მუშაკები, ინციდენტის დროს სმენის უსაფრთხოების აღჭურვილობას ატარებდნენ (იგივე “სმენის ორგანოების ინდივიდუალური დაცვის საშუალება”), რის გამოც, სავარაუდოდ, მატარებლის მოახლოვება ვერ გაიგეს.

ინციდენტი 3 ივლისს, სამხრეთ უელსში მოხდა.

უბედური შემთხვევის დროს, რკინიგზის ხაზზე სამი მუშაკი მუშაობდა, რა დროსაც მათ მატარებელი შეეჯახათ. დაღუპულია რკინიგზის 2 თანამშრომელი, მესამე შოკურ მდგომარეობაშია, თუმცა ფიზიკური დაზიანება არ აღენიშნება.

გამოძიების საწყის ეტაპზე არსებობს ვარაუდი, რომ ინციდენტის დროს მუშაკებს სმენის უსაფრთხოების აღჭურვილობა ეკეთათ, რის გამოც ვერ გაიგეს სამგზავრო მატერებლის მოახლოვება”, – აცხადებს პოლიციის წარმომადგენელი.

ინციდენტამდე ცოტა ხნით ადრე მთავრობამ ანგარიში გამოაქვეყნა, რომლის თანახმად 2018 – 2019 წლებში, სამუშაოს შესრულების დროს ინგლისში, შოტლანდიასა და უელსში 147 ადამიანია დაღუპული: 32 – სოფლის მეურნეობაში, 30 – მშენებლობაზე, 26 წარმოებაში…

მონაცემებით ირკვევა, რომ ამავე პერიოდში, სამუშაოს შესრულების დროს, მოძრავი ტრანსპორტის შეჯახების შედეგად 30 ადამიანი დაიღუპა.

ინფორმაციას skynews ავრცელებს.

მსგავსი სტატიები