“საზღვაო ტრანსპორტის სააგენტო” საქართველოს პორტებში შემომსვლელი გემების სკრინინგს აძლიერებს

საზღვაო ტრანსპორტის სააგენტომ, ახალი კორონავირუსის (COVID-19) გავრცელების პრევენციული ღონისძიებების ფარგლებში რამდენიმე მიმართულებით განახორციელა ღონისძიებები.

ნავსადგურების მიმართულებით: სააგენტომ გამოსცა ცირკულარი, რომელიც საქართველოს პორტებში შემომსვლელი გემების სკრინინგის გაძლიერებას ემსახურება.

საზღვაო სასწავლებლები: საზღვაო სასწვლებლებში 16 მარტამდე შეწყდა სასწავლო პროცესი. მიმდინარეობს შენობა-ნაგებობების დეზინფექცია. იგივე ვადით გადაიდო კონფერენციები და ღონისძიებები.

მოქალაქეების დაცვის მიზნით: სადეზინფექციო სამუშაოები ჩატარდა სააგენტოს შენობაში. ჯანდაცვის სამინისტროს მიერ რეკომენდირებული წესით და ხსნარებით დამუშავდა მოქალაქეთა მისაღები და სხვა არეები.

ინფორმაციას “საზღვაო ტრანსპორტის სააგენტო” ავრცელებს.