მიწისზედა მეტროს ხაზის პროექტირებისთვის ავსტრიული კომპანია 12,762,530 ლარს მიიღებს

Construction News

სამგორი-ლილოსა და სამგორი-რუსთავის მიწისზედა მეტროს ხაზის პროექტირებაზე თბილისის სატრანსპორტო კომპანიის მიერ გამოცხადებული კონკურსი დასრულდა, – ამის შესახებ მუნიციპალიტეტის მთავრობის სხდომაზე თბილისის მერმა კახა კალაძემ განაცხადა. როგორც მან აღნიშნა, კონკურსში ავსტრიულმა კომპანია “ILF Consulting Engineers“-მა გაიმარჯვა.

თბილისის სატრანსპორტო კომპანიას გამოცხადებული ჰქონდა კონკურსი პროექტირებაზე. გვყავს გამარჯვებული კომპანია. “ILF Consulting Engineers Austria GmbH“-ის წარმომადგენლობა საქართველოში, რომელმაც ორივე ხაზისთვის ტექნიკურ-ეკონომიკური დასაბუთება (მიზანშეწონილობის ანალიზი) უნდა განახორციელოს. ასევე, მოამზადოს პროექტი და სატენდერო დოკუმენტაცია სამგორი-ლილოს ხაზის მშენებლობისთვის“, – აღნიშნა კახა კალაძემ.

მისივე თქმით, კვლევის შედეგად გამოიკვეთება  რამდენად არის შესაძლებელი რუსთავთან დამაკავშირებელი მიწისზედა მეტროს პროექტის განხორციელება.

საკონკურსო პროექტის ბიუჯეტი 12,762,530 ლარია და ის ხელშეკრულების გაფორმებიდან 15 თვეში უნდა დასრულდეს. სრული დოკუმენტაციის დასრულების შემდეგ,  მშენებლობის დაწყებაზე ტენდერი გამოცხადდება.

მსგავსი სტატიები