კახეთში, საყარაულო ჯიხურში გაჩენილ ხანძარს კაცი ემსხვერპლა

Construction News

ახმეტის მუნიციპალიტეტის სოფელ ზემო ალვანში ხანძრის შედეგად 71 წლის მამაკაცი დაიღუპა. ცეცხლი სოფლის ცენტრში მდებარე სავაჭრო ობიექტების საყარაულო ჯიხურში გაჩნდა. შემთხვევა წუხელ მოხდა.

ადგილზე სახანძრო-სამაშველო ბრიგადები იყო მობილიზებული. ობიექტზე ხანძარი ლიკვიდირებულია.

მომხდარზე გამოძიება სისხლის სამართლის კოდექსის 188-ე მუხლით დაიწყო, რაც გულისხმობს ნივთის დაზიანება ან განადურებას ჩადენილს ცეცხლთან ან მომეტებული საფრთხის წყაროსთან გაუფრთხილებელი მოპყრობით, რამაც გამოიწვია ადამიანის სიცოცხლის მოსპობა. ისჯება თავისუფლების აღკვეთით ვადით სამიდან ხუთ წლამდე.

მსგავსი სტატიები