კანადაში სამშენებლო ნებართვების რიცხვმა იმატა

Construction News

კანადაში, ბოლო 19 თვის განმავლობაში მშენებლობაზე გაცემული ნებართვების რიცხვმა მოლოდინს გადააჭარბა, რაც ქვეყნის სამშენებლო სექტორის გაძლიერებაზე მიუთითებს.

კანადის სტატისტიკის სამსახურის ინფორმაციით, მხოლოდ დეკემბერში ნებართვების რიცხვმა 6%-ით მოიმატა, მაშინ როდესაც Bloomberg-ის მიერ გამოკითხული ეკონომისტები, მატების მხოლოდ 1%-იან მაჩვენებელს ვარაუდობდნენ. მსგავსი ტიპის ზრდა ბოლოს 2017 წლის მაისში აღინიშნებოდა, ამჯერად კი ნებართვების ღირებულებამ  6.7 მილიარდი აშშ დოლარი შეადგინა.

უჩვეულო ტენდენცია შეინიშნება საცხოვრებელი შენობების მიმართულებით: ბინადრობაზე გაცემული ნებართვები 4.2%-ით გაიზარდა, რაც ძირითადად მრავალბინიანი შენობების მშენებლობაზე გაცემული ნებართვების 11.1% ზრდამ განაპირობა, 3.3 მილიარდი კანადური დოლარის ღირებულებით, ხოლო ინდივიდუალური სახლების მშენებლობის ნებართვებზე 5.4% შემცირება ფიქსირდება.

ასევე იზრდება კომერციულ და ინდუსტრიულ მშენებლობაზე გაცემული ნებართვების რაოდენობა. მხოლოდ დეკემბრის თვეში 14.6%-იანი ზრდა დაფიქსირდა, ხოლო წლიურად ზრდის მაჩვენებელი 8.9%-ია, რაც 3.5 მილიარდ კანადურ დოლარს შეადგენს.

ქვეყნის რეგიონების მიხედვით, სამშენებლო ნებართვების  ყველაზე მეტი ზრდა ვანკუვერში დაფიქსირდა 26.3%, რაც 1.4 მილიარდი კანადური დოლარის ღირებულებას წარმოადგენს, ასევე აღსანიშნავია ტორონტოს 3.5%-იანი მატებაც.

bloomberg.com

მსგავსი სტატიები