ირკუტსკში 3,7 ათასი სახლია დატბორილი, მოსახლეობის ევაკუაცია ვერტმფრენებით ხორციელდება

Construction News

რუსეთის თავდაცვის სამინისტრომ 1,300 სამხედრო მოსამსახურე მიავლინა ირკუტსკში, სტიქიის ზონაში, სადაც ადგილობრივი მოსახლეობა წყალდიდობას ებრძვის. მათი ამოცანაა გაასუფთაონ ტერიტორია და დაეხმარონ მოსახლეობას.

გარდა ამისა, რეგიონში უკვე სამასამდე სპეც-ტექნიკაა მობილიზებული და მოსახლეობის ევაკუაცია ვერტმფრენების დახმარებით ხორციელდება.

შეგახსენებთ, რომ ირკუტსკის ოლქში ძლიერი წვიმების შედეგად მდინარე ადიდდა, რამაც გაანადგურა ინფრასტრუქტურა და 3,7 ათასი სახლი დატბორა.

ბოლო მონაცემებით დაღუპულია 5 ადამიანი, 112 კი კლინიკაშია გადაყვანილი.

ამ ეტაპზე მოსახლობის დროებით საცხოვრებლებში გადაყვანა მიმდინარეობს.

მსგავსი სტატიები