თემქაზე ბუნებრივი აირის აფეთქების შედეგად საცხოვრებელი სახლის აივანი ჩამოინგრა

Construction News

თბილისში, თემქის მესამე მიკრორაიონში, ერთ-ერთი საცხოვრებელი კორპუსის მე-9 სართულზე აფეთქება მოხდა. “რუსთავი2”-ის ინფორმაციით, შემთხვევის შედეგად ერთი ადამიანი დაშავდა.

დაშავებული სამედიცინო დაწესებულებაშია გადაყვანილი. არსებული ინფორმაციით, მისი ჯანმრთელობის მდგომარეობა მძიმე არ არის. 

აფეთქების შედეგად საცხოვრებელი კორპუსის აივნის ნაწილი ჩამოინგრა. 

ადგილზე მობილიზებული იყო სამი სახანძრო-სამაშველო ბრიგადა. ბუნებრივი აირის აფეთქებას ღია ცეცხლი არ გამოუწვევია. 

კომპანია “ყაზტრანსგზ-თბილისის” ინფორმაციით, აფეთქების მიზეზი გაზგამათბობლის ექსპლუატაციის წესების დარღვევა გახდა.

მსგავსი სტატიები