თბილისში სახელმწიფო საკუთრებაში არსებულ უძრავ ქონებას აღრიცხავენ

Construction News

საქართველოს დედაქალაქში სახელმწიფო საკუთრებაში არსებული უძრავი ქონების აღრიცხვა მოხდება. კერძოდ, თბილისში მასშტაბით სახელმწიფო საკუთრებაში არსებული უძრავი ნივთების აზომვითი მომსახურების შესყიდვის მიზნით გამოცხადებულ ტენდერში გამარჯვებული უკვე გამოვლენილია.

bpn-ის ინფორმაციით, სამუშაოებს, „მამული 2“ შეასრულებს. ცნობისთვის, შესყიდვის სავარაუდო ღირებულება 40,000 ლარი იყო, გამარჯვებული კომპანიის მიერ შეთავაზებული თანხა კი 32,040 ლარს შეადგენს.

როგორც სატენდერო დოკუმენტაციაშია აღნიშნული, უნდა მომზადდეს – არასასოფლო-სამეურნეო დანიშნულების მიწის ნაკვეთი – 750,000 კვ.მეტრის საკადასტრო აზომვითი ნახაზი და 25,000 კვ. მეტრის შიდა აზომვითი ნახაზი.

მომსახურების მიწოდება კი უნდა განხორციელდეს ხელშეკრულების ძალაში შესვლიდან, ეტაპობრივად, შემსყიდველის მოთხოვნიდან 2019 წლის 31 დეკემბრამდე პერიოდში.

მსგავსი სტატიები