აშშ-ში მშენებლობის მენეჯერის საშუალო წლიური შემოსავალი 101,000 დოლარია

აშშ-ში სამშენებლო სექტორში დასაქმებულთა შრომის ანაზღაურების სტატისტიკა გამოქვეყნდა.

მონაცემების თანახმად, მშენებლობაში დასაქმებულები წელიწადში საშუალოდ $34,000-ს გამოიმუშავებენ.

სტატისტიკა ასევე იმ ქალაქების სიას მოიცავს, სადაც მშენებლობაზე დასაქმებულებს ყველაზე მაღალი ანაზღაურება აქვთ:

ჩიკაგო – $63,250

ელგინი – $60,660

ბრუკლინი – $60,320

ჰონოლულუ – $58,500

ატლანტა – $58,140

შტატების მიხედვით კი ყველაზე მაღალი ანაზღაურება მშენებლობის სექტორში აქვთ: ილინოისში – $57,310; რომელსაც მოსდევს ჰავაი – $56,240; შემდეგ მასაჩუსეტსი – $53,230; ნიუ-ჯერსი – $52,220 და ალასკა – $50,450.

სტატისტიკაში მოცემულია ასევე კონკრეტულად ის სამუშაოები, რომლებიც მშენებლობის სექტორში ყველაზე მაღალანაზღაურებადია. ამ მხრივ პირველ ადგილზეა მშენებლობის მენეჯერის პოზიცია, რომლის საშუალო წლიური შემოსავალი $101,000-ია, ხარჯების შემფასებელი (Cost Estimator) $68,420-ს გამოიმუშავებს, სამშენებლო რკინა-ფოლადის მუშის ჯამური ხელფასი $56,940-ია, ხოლო დურგალი წლიურად $49,630-ს გამოიმუშავებს.

usnews.com